Romans 14
Hudee hagi aga ina godou duaahina
1Benebene ina tangada dela e bagege dono hagadonu. Hudee hai baahi gi nia maanadu a maa. a 2Di hagadonu o tangada e hai a mee gi miami noo, gei tangada dela e bagege dono hagadonu, le e gai hua nia hua laagau. 3Tangada dela e miami noo, hudee de hiihai gi tangada dela e hilihili ana mee gai. Tangada dela e gai hua nia hua laagau, hudee hagi aga ina tangada dela e miami noo, idimaa, God e donu hua gi mee. 4Goe koai dela bolo goe e hagi aga di hege o a tangada i golo ? Di tagi donu o maa dela e iloo be mee e gila be hagalee gila. Gei mee ga gila laa, idimaa, Tagi le e mee di hai a mee gi gila.5Dahi dangada e hagamaanadu bolo di laangi i golo e mada hagalabagau i nia laangi ala i golo. Tuai dangada i golo e hagamaanadu bolo nia laangi huogodoo le e hai be di mee e dahi. Tangada nei mo tangada nei gi bida hagamaanadu ina di mee dela e humalia, ga daudali. 6Tangada dela e hagalabagau di laangi e dahi laa hongo nia laangi ala i golo, le e hagalaamua Tagi. Gei tangada dela e miami noo, le e hagalaamua Tagi, idimaa, mee e danggee ang gi God i nia meegai. Tangada dela e hilihili meegai, le e hagalaamua Tagi, mee e danggee ang gi God. 7Deai tangada i gidaadou e bida mouli i deia ai, ge deai tangada i gidaadou e bida made i deia ai. 8Maa gidaadou e mouli, go Tagi dela e mouli ginai gidaadou. Maa gidaadou e mmade, go Tagi dela e mmade ginai gidaadou. Maa gidaadou e mouli be e mmade, gidaadou nia daangada ni di Tagi. 9Idimaa, Christ ne made, ga mouli aga belee hai di Tagi o digau mouli mo digau mmade. 10Goodou ala e gai hua nia hua laagau, goodou e aha ala e hagi aga godou duaahina? Gei goodou ala e gai nia mee huogodoo, goodou e aha ala e hagahuaidu godou duaahina? Gidaadou huogodoo la ga tuu i mua o God e hagi aga go mee. b 11Di Beebaa Dabu e helekai:
“Dimaadua e helekai boloo: Au go di God Mouli, nia daangada huogodoo ga dogoduli i ogu mua, ga haga modongoohia aga bolo au go God.” c
12Deenei laa, tangada nei mo tangada nei i gidaadou le e hai gi hagi aga gi God di hai o dono mouli.
Hudee heia godou duaahina gi tinga
13Malaa gidaadou ga dugu tadau hagadau hagi aga gidaadou. Goodou heia di di hilihili dela e hagalee hai loo nia mee ga hidi ai di godou duaahina ga tinga, be ga doo gi lodo di huaidu. 14Dogu buni ang gi tadau Dagi go Jesus Christ, le e hai au gi iloo bolo nia meegai e gulugulua ai, gei maa iai tangada i golo e hai bolo nia meegai aanei e gulugulua, nia meegai aanei le e gulugulua anga hua gi deia. 15Maa goe ga haga manawa gee doo duaahina i au meegai, malaa, goe gu hai be tangada doo aloho ai. Goe hudee dumaalia gi au meegai gi hagahuaidu ina tangada dela ne made ginai a Christ. 16Goodou hudee haga ingoo ina di humalia gi di huaidu. 17Idimaa, Tenua o God la hagalee go nia mee gai mono mee ala e inu, gei go di tonu, di aumaalia mo di tentene mai di Hagataalunga Dabu. 18Ma tangada e hai hegau gi Christ i di ala beenei, geia e haga tentene di manawa o God, gei e donu ginai nia daangada ala i golo. 19Malaa, gidaadou gi hagamahi i nia madagoaa huogodoo gi nia mee ala e hai gidaadou gi noho i di aumaalia, gei e hagadau hagamaaloo aga gidaadou. 20Goodou hudee oho ina nia mee a God ne hai i di gili nia meegai. Gidaadou e humalia e gai nia mee huogodoo, malaa e huaidu go tangada dela ma ga gai nia mee ala ga hai ai ono ehoo gi too gi lodo di hala. 21Deenei di mee e donu: goodou hudee geina nia goneiga, hudee inu nia waini, hudee heina di ingoo hua di mee, maa nia mee aanei ga hidi ai godou duaahina ga too gi lodo di huaidu. 22Daahia hua beelaa godou hagadonu i di mee deenei gi iloo hua goolua mo God. E maluagina go tangada dela hagalee hagamaanadu bolo ia gu ihala i dana mee dela e iloo ia bolo di mee e donu. 23Maa tangada e manawa lua i ana meegai, God ga hagi aga a mee, idimaa, di haihai o tangada deelaa la hagalee ne mau mai i di hagadonu. Nia mee huogodoo ala hagalee mau mai i di hagadonu, la di huaidu.
Copyright information for
KPG